أين كن تقيم قدسك ؟
أنا كنت ساكن هنا لكن بعد الزواج روحت سكنت في حدايق حلوان وبعدين جيت خدمة هنا
إزاي جيت الخدمة هنا من البداية؟
كانت زمان الخدمة فرعين، كانت فى الجمعية قبل ما تكون كنيسة، الكنيسة هنا وعندنا فى البيت وكنا أصدقاء أنا وأبونا أنطونيوس حتى قبل ما يكون كاهن، ولما بقى خادم طلب منى إنى أخدم معاه هنا. في الأول في بداية الخدمة خالص أول خدمة خدمتها كنت بخدم مرحلة إعدادى وبعد بناء الكنيسة أيضاً مرحلة كنت بخدم إعدادى، وكنت سكرتير لجنة الكنيسة
إحنا سمعنا الخدمة كانت صعبة والإمكانيات قليلة، كنت بتتعامل إزاى مع أطفال المنطقة هنا أو المخدومين بصفة عامة ؟
برغم من إن الخدمة كانت متعبة لكن المتاعب أيامها كان سهل التعامل معاها علشان الناس كانت محتاجة حد يسمعها، والناس هنا بسيطة. كان فى مشاكل بس حلها بيكون بسيط
إحنا سمعنا أيضاً إن قدسك كنت مسئول أو أمين خدمة عن الخدمات اللى تخص الأنشطة ؟ أنت اللى اخترت تكون أمين الخدمة ؟
لا لا عمرى ما اخترت خدمة ودي من الحاجات إللى بشكر ربنا عليها. بس أنا من زمان أيام ما الكورال اتأسس وأنا موجود والمسرح والمكتبة. أمين الخدمة هو إللى بيختارني أكون ماسك الخدمات دي
لحظة اخيارك كاهن استقبلتها إزاي ؟
استقبلتها بخوف وقلق وكنت قاعد حوالى 3 أسابيع مش عارف أنام، إحنا كنا عند الأنبا أرميا بنكلمه على أبونا شنودة علشان هو إللي كنا مرشحينه. قالي سيدنا وانت هتبقى معاه طبعاً وأنا قولت لا وكنت رافض، وهو قالى مش بمزاجك. حتى بعد كدا أستاذ نبيل جورج بلغ سيدنا إنى رافض فقاله يبقى الشعب هو إللى يقول كلمته
كيف كان شعورك لحظة لما سيدنا قال اسمك إنك هتكون كاهن أو نطق اسمك ؟
ضربات القلب ارتفعت ولقيت نفسي محاط بالشباب إللى بتنط علي كتافى وتبارك وأنا مش مصدق. أنا كنت فى عالم تاني، أنا كنت قريب من آباء كهنة وعارف قد إيه الكهنوت صعب بس الناس كانت بتساعدني
رسامتك 2010 اختلاف من أمين خدمة لكاهن، شايف الناس إزاى ؟
شايف إن الناس محتاجة خدمة أكتر، وأنا خادم كنت بخدم مدارس أحد، كنت بخدم أطفال لكن دلوقتي الدائرة بقت واسعة وبعرف التفاصيل وادخل فيها، دلوقتى بدخل بين الناس علشان أحل مشكلة ومينفعش أقول لا صعب إنى أقول لا
ما هو شعورك أول مرة استلمت فيها جسد الرب ودمه بين إيديك؟ أول يوم استلمت في الذبيحة؟
لما كنا فى دير البراموس علشان نستلم القداس ويوم استلام الذبيحة، إن صح التعبير، زي امتحان الثانوية العامة لكن أبونا إللى كان بيسلمنا القداس كان دايماً بيشجعنا وقالي أنا خيالك متخافش من حاجة. وفعلاً كان يوم رهيب بس عدى
بداية الخدمة هنا فى المنطقة قدسك كنت بتخدم هنا ولا فى القديس سمعان ؟
لا أنا كنت بخدم هنا من زما
