ماذا عن القس أنطونيوس؟ هل كنت خادم مقيم هنا ؟
انا كنت ساكن فى عابدين جيت الكنيسة هنا علشان أتمرن وأنا عندى 16 سنة، وأول يوم جيت أخدم مع خادم اسمه دكتور مجدي، ودى أول مرة آجى فيها المنطقة ونزلت معاه أبحث عن الولاد عشان ناخدهم من البيت، وكان المكان مليان بالقمامة وبعد الخدمة والجو ده أول مرة أشوفه رجعت البيت وكانت درجة حرارتى 40، وقولت مش هروح تاني لأنى تعبت والمكان صعب. بس جه يوم الجمعة كانت حرارتى اللى جوة كانت أصعب ومقدرتش إني مروحش الخدمة تانى، وحسيت إن ربنا بيقولى لازم تروح. كان فى رفض للناس هنا من الخدمة ؟ لا يوجد رفض للخدمة بس الناس هنا لم تعرف شيء عن ربنا ولا كيف يتم الصلاة علشان حياتهم كانت الشغل، لكن عندما أحسوا بالمحبة بدأ حبهم للكنيسة.
كيف تم اختيارك ؟
وأنا فى الفترة إللى بخدم فيها فى المذبح كنت حزين لأن المكان مش نضيف والماعز على طول بيدخل يوصل لحد المذبح لأن ماكنش فيه باب، لحد لما وأنا ساجد فى المذبح والماعز حواليا جت معزة فى فمها ورقة من الإنجيل حطتها قدامى وأنا ساجد، مكتوب فيها لا تخف تكلم ولا تسكت لأن لى شعب كثير فى هذا المكان، نفس الورقة أو نفس الآية إللى جت لأبونا سمعان كاهن كنيسة القديس سمعان الخراز فى نفس الفترة تقريباً. فى هذه الفترة الناس كانت عايزة كاهن وكان فى مشكلة إنى غير متزوج وتم ترشيح بعض الناس إلى قداسة البابا شنودة، وناس رشحتنى وتزوجت وجلست مع البابا شنودة وتمت رسامتى سنة 1990.
كيف تم تجميع خدام الى هذا المكان ؟
كان لا يوجد خدام من المنطقة لا يعرفون عن صلاة القداس الإلهي أو أي صلاة، كان الخدام فقط من حارة الروم وحارة الساقيين، وحكاية مبنى الخدمات تم شراء الأرض وتم التبرع بيها إلى أن تم البناء على مراحل. المعجزة الكبيرة فى بناء المنارة للكنيسة ووضع أجراس، وكان فى تلك الفترة رئيس الحي شخصية صعبة جداً وواحد اسمه إدوار بهنان قالي تعالى نروح نقابل يا أبونا رئيس الحي ده ونشوف، رحت وقالى مش هنخسر حاجة وربنا حط لنا نعمة فى عنيه ووافق على المنارة من غير أي شروط أو أي معوقات للبناء.
